Дар Душанбе рӯзи 13 сентябр дар остонаи панҷумин нишасти машваратии сарони кишварҳои Осиёи Марказӣ (ОМ) нахустин нишасти вазирони нақлиёти панҷ кишвари минтақа баргузор мешавад. Онҳо Созишномаи таҳкими ҳамбастагии ҳамлу нақли заминӣ дар Осиёи Марказиро баррасӣ хоҳанд кард. Ин санадро бояд дар як нишасти рӯзҳои 15-16 сентябр раисони ҷумҳури кишварҳои Осиёи Марказӣ имзо кунанд. Ба эътиқоди коршиносон, ин тавофуқро метавон як иқдоме барои беҳбуди равобити нақлиётӣ дар минтақа арзёбӣ кард, аммо дар роҳи иҷрои комили он монеаҳои ҷиддӣ вуҷуд дорад.
Ҳадафи аслии ин созишнома ба роҳ мондани равобити мустаҳкам дар минтақаи Осиёи Марказӣ дар соҳаи нақлиёт ва логистика мебошад. Аз ҷумла фароҳам овардани шароити мусоид барои рушди ҳамлу нақли байналмилалии заминӣ, таъмини муҳити рақобат дар бозори хизматрасонии нақлиётӣ дар ин минтақа, инчунин баланд бардоштани самаранокӣ ва ташкили долонҳои нави байналмилалӣ, аз ҷумла мултимодалӣ. Дар пайи ин мулоқот вазирони нақлиёти панҷ кишвари минтақа як баёнияи муштарак имзо хоҳанд кард.
Дар ин бора ба АМИТ «Ховар» хабар медидад.
Акс: аз манбаъҳои кушода
