Хабаргузории Ҳеспресс бо истинод ба изҳороти вазорати умури дохилии Марокаш хабар медиҳад, ки теъдоди қурбониёни заминларза дар Марокаш ба 632 нафар расид ва 329 тани дигар маҷрӯҳ шуданд.
Ба иттилои вазорат, 290 нафар дар вилояти Ал-Ҳауз (ҷануби Марракеш), 190 нафар дар вилояти Тарудант, 89 нафар дар вилояти Чичауа, 30 нафар дар вилояти Уарзазат ва 13 нафар дар музофоти Марракеш ба қайд гирифта шудаанд. Дар чаҳор вилояти дигари қисми марказии кишвар ҳар кадом чанд нафар ба ҳалокат расиданд.
Қаблан мақомоти маҳаллӣ аз кушта шудани 296 ва захмӣ шудани 150 нафар хабар дода буданд.
Тавре Sky News Arabia қайд мекунад, зилзила чанд дақиқа давом кард ва ҳангоми заминларза сокинон ба кӯчаҳо баромаданд. Ал-Ҷазира хабар дод, ки қисми таърихии шаҳр, ки ҳамчун макони мероси ЮНЕСКО эътироф шудааст, қисман хароб шудааст.
Акс: аз манбаъҳои кушода
