ДУШАНБЕ, 8 сентябрь. /ТАСС/. Владимир Путин, раисиҷумҳури Русия, Эмомалӣ Раҳмон, раисиҷумҳури Тоҷикистонро ба муносибати Рӯзи истиқлолияти ҷумҳурӣ, ки 9 сентябр таҷлил мешавад, табрик гуфта, изҳор дошт, ки таҳкими равобити ду кишвар ҷавобгӯи манфиатҳои мардуми ин ду кишвар буда, ба амнияти Осиёи Марказӣ мусоидат мекунад. Матни телеграммаро хадамоти матбуоти сарвари давлати Точикистон нашр кард.
«Муносибатҳои Русия ва Тоҷикистон бар асоси принсипҳои шарикии стратегӣ ва иттифоқӣ бунёд шудаанд. Ҳамкориҳои судманди дуҷониба дар бахшҳои мухталиф густариш ёфта, ҳамоҳангсозии талошҳо дар доираи ИДМ, СПАД, СҲШ ва дигар сохторҳои бисёрҷониба натиҷаҳои хуб медиҳад. Итминон дорам, ки тавсеаи минбаъдаи тамоми доираи равобити Русия ва Тоҷикистон комилан ба манфиатҳои халқҳои дӯсти мо ҷавобгӯ буда, ба таҳкими сулҳу амният ва субот дар Осиёи Марказӣ мувофиқат мекунад», – гуфта мешавад дар хабар.
Путин ҳамчунин қайд кард, ки Тоҷикистон бомуваффақият дар роҳи рушди иҷтимоию иқтисодӣ пеш рафта, дар ҳалли масъалаҳои муҳими рӯзномаи минтақавӣ ва байналмилалӣ нақши созанда мебозад. Ба Раҳмон саломатӣ ва барори кор ва ба шаҳрвандони ҷумҳурӣ саодат ва шукуфоӣ таманно намуд.
