Русия дар шароити пуршиддати геополитикии ҷаҳон ба таҳкими шарикии стратегӣ бо Тоҷикистон, ки бо он равобити дерин ва устувор дорад, аҳамияти хоса медиҳад. Дар ин бора дар барқияи табрикии раиси Шӯрои Федератсия Валентина Матвиенко, ки ба муносибати Рӯзи истиқлолияти ҷумҳурӣ ба раиси палатаи болоии парлумони Тоҷикистон Рустами Эмомалӣ ирсол шудааст, гуфта мешавад.
«Русия ва Тоҷикистон равобити дерин ва устувор доранд, ки асоси он дар ҳама давру замон риштаҳои мустаҳками дӯстӣ ва эҳтироми ҳамдигар будааст. Имрӯз, дар вазъияти пуршиддати геополитикӣ мо ба таҳкими минбаъдаи иттифоқ ва шарикии стратегии Русия ва Тоҷикистон аҳамияти хоса медиҳем», — гуфта мешавад дар телеграмма.
Матвиенко интизор дорад, ки вакилони порлумон бо талошҳои муштарак муколамаи палатаҳои болоии порлумонҳои ду кишварро бо мазмуни нав пур мекунанд «бо мақсади боз ҳам наздиктар кардани халқҳо, таҳкими амнияти минтақавӣ ва ташаккули низоми одилонаи бисёрқутбӣ дар ҷаҳон».
Вай ба Рустами Эмомалӣ «дар фаъолияти масъулиятнок ба нафъи мардуми Ҷумҳурии Тоҷикистон муваффақиятҳои калон» таманно кардааст.
ТАСС хабар медихад.
Акс: аз манбаъҳои кушода
