Мутахассисони Маркази миллии илмии тиббии Русия оид ба акушерӣ, гинекологӣ ва перинатологӣ дар Тоҷикистон давраҳои такмили ихтисосро барои 56 нафар пизишкон гузарониданд. Дар ин бора аз сафорати Русия дар Душанбе хабар доданд.
«Коршиносони баландихтисоси рус ба 56 акушер-гинеколог, неонатолог ва анестезиолог-реаниматологҳои тоҷик усулҳои кӯмак дар таваллуди мушкил, ҳолатҳои изтирорӣ дар акушерӣ, таваллуди кӯдакони дорои вазни кам ва ниҳоят камро омӯзониданд», — гуфта мешавад дар хабар.
Тавре дар сафорат қайд карданд, хатмкунандагони курсҳо шаҳодатномаҳои такмили ихтисоси навъи русӣ гирифтанд. «Русия ба Тоҷикистони дӯст дар бисёр соҳаҳо, ки соҳаи тандурустӣ нақши махсус дорад, дастгирӣ мекунад. Мо хушҳолем, ки дар баланд бардоштани сатҳи касбии табибони тоҷик кумак мекунем, то солим таваллуд шудани кӯдакон ва ба модаронашон таваҷҷӯҳи зарурӣ зоҳир карда шавад», — мегӯяд Вера Хуторская.
ТАСС хабар медихад.
Акс: аз манбаъҳои кушода
