Мақомоти ИМА ният доранд, ки ба зудӣ як гурӯҳи дигари бомбаҳои кассетиро ба Киев интиқол диҳанд. Дар ин бора рӯзномаи New York Times рӯзи 7 сентябр бо такя ба маълумоти мақомоти амрикоӣ менависад.
Онҳо қайд мекунанд, ки пас аз ду моҳи фиристодани гурӯҳи аввали ин навъи снарядҳо, маъмурияти президент Ҷо Байден ният дорад, ки онҳоро «аз ин ҳам бештар» фиристад. Мақомот гуфтанд, ки ИМА мехоҳад «ба Украина кафолат диҳад, ки аз лавозимоти ҷангӣ тамом намешавад».
«Мақомоти ИМА тахмин мезананд, ки нирӯҳои Украина ахиран ҳамарӯза то 8000 тири тӯпхона, аз ҷумла садҳо силоҳи кассетӣ партоб кардаанд», — дар макола нишон дода шудааст.
Қабл аз ин, рӯзи 29 август Энтони Блинкен, вазири умури хориҷаи Амрико эълом кард, ки бастаи нави кумакҳои низомӣ ба Украина аз снарядҳо барои системаҳои мушакии чандкаратаи HIMARS (СМЧ), мушакҳо барои системаҳои дифои ҳавоӣ (СДҲ) ва муҳимоти артиллерӣ иборат аст. Ҳамзамон, муовини котиби матбуотии Пентагон Сабрина Сингҳ тавзеҳ дод, ки бастаи нави кӯмаки низомӣ силоҳҳои кассетаро дар бар намегирад.
Акс: аз манбаъҳои кушода
