Рӯзи 4 сентябр пас аз бозсозӣ дар шаҳри Бохтар муҷассамаи Бобоҷон Ғафуров ифтитоҳ шуд. Рӯзи 4 сентябр пас аз бозсозӣ дар шаҳри Бохтар муҷассамаи Бобоҷон Ғафуров ифтитоҳ шуд. Чорабинӣ ба Рӯзи китоб ва 32- солагии Истиқлолияти давлатии Ҷумҳурии Тоҷикистон бахшида шуд.
Дар чорабинии мазкур раиси шаҳри Бохтар Файзулло Баротзода, кормандону собиқадорони ташкилоту соҳаҳои гуногун, адибону зиёиён ва донишҷӯён, олимон, донишҷӯёни муассисаҳои таълимии шаҳри Бохтар иштирок намуданд. Пеш аз ҳама, намоишгоҳи китобҳои нодир, адабиёти илмию сиёсии дар даврони соҳибистиқлолӣ нашршуда меҳмонон ва иштирокчиёнро интизор буд.
Ҳамчунин зикр мегардад, ки намоиши китоб аз ҷониби кормандони китобхонаи ба номи Камоли Хуҷандии Бохтар ва муассисаҳои таълимии шаҳр ташкил карда шуд.
Дар идома натиҷаи сайри шаҳрии Озмуни ҷумҳуриявии «Тоҷикон дар оинаи таърих» ҷамъбаст гардида, ғолибон бо диплом, ифтихорнома ва туҳфаҳои пулии раиси ноҳияи Бохтар сарфароз гардонида шуданд.
Дар ин бора ба АМИТ «Ховар» хабар медидад.
Акс: АМИТ «Ховар»
