Иттиҳодияи Аврупо аз ҳузури раҳбари Чин Си Ҷинпин ва раисиҷумҳури Русия Владимир Путин дар нишасти G20 дар Ҳинд истифода мекунад, то корҳоро бо кишварҳои Ҷануби Ҷаҳонӣ фаъол созад. Дар ин бора хабаргузории Bloomberg бо такя ба манобеъ хабар додааст.
Манобеъи Bloomberg мегӯянд, Иттиҳодияи Аврупо мехоҳад нишон диҳад, ки бо вуҷуди мероси вазнини мустамликадорӣ дар мавриди бозбинии шарикии худ бо Африқо ҷиддӣ аст. Ба навиштаи нашрия, Иттиҳодияи Аврупо мехоҳад аз дархости Иттиҳодияи Африқо барои узвияти доимӣ дар G20 пуштибонӣ кунад.
Ба гузориши Bloomberg, дар нишасти Ҳинд аз Иттиҳодияи Африқо раҳбарони Африқои Ҷанубӣ, ки алакай узви G20 аст, Миср, Нигерия ва Комор низ ширкат хоҳанд кард. Аз ҷониби Иттиҳодияи Аврупо раиси Комиссияи Аврупо Урсула фон дер Лейен, раиси Шӯрои Аврупо Чарлз Мишел ва садри аъзами Олмон Олаф Шолц ба музокирот ҳамроҳ мешаванд.
Тавре Bloomberg қайд мекунад, узвияти доимӣ дар G20 ба Иттиҳоди Африқо ҳамон мақоми Иттиҳоди Аврупоро медиҳад. Мақоми узвияти доимӣ як қисми талош барои додани овози қавитар ба кишварҳои африқоӣ дар тасмимҳои муҳим, аз ҷумла дар мубориза бо гармшавии глобалӣ, ки асосан аз партовҳои кишварҳои G20 ба вуҷуд омадааст, мебошад.
Акс: аз манбаъҳои кушода
