Аз 24 то 29 октябр дар Душанбе Фестивали VII байнулмилалии театрҳои лӯхтак «Чодари ҳаёл» баргузор мешавад.
Ҳадафи аслии баргузории ҷашнвора таҳкими ҳамкориҳо дар соҳаи санъати театрӣ ва лӯхтак, эҳё ва рушди театри суннатии лӯхтаки мардуми бостонии тоҷик, инчунин такмили тарбияи эстетикӣ ва густариши ҷаҳонбинии насли наврас мебошад.
Дар ҷашнвора театрҳои касбии лухтаки кишварҳои Иттиҳоди Давлатҳои Мустақил ва лухтакбозони кишварҳои хориҷи дур ширкат мекунанд. Имсол тамошобинон ва меҳмонони пойтахт метавонанд аз намоишномаҳои дурахшон, ғайриоддӣ ва тамошобоб аз Русия, Қазоқистон, Узбакистон ва Эрон баҳравар шаванд. Дар фестиваль бори аввал студентони шуъбаи лухтакии Институти давлатии маданияти туркмани Ашкобод (Туркманистон) баромад мекунанд.
Бо ташаббуси Вазорати фарҳанги Ҷумҳурии Тоҷикистон ва дастгирии Ҳукумати Ҷумҳурии Тоҷикистон аз соли 2007 инҷониб Театри давлатии лӯхтак шаш фестивали байналмилалиро баргузор кардааст.
Дар ин бора ба АМИТ «Ховар» бо истинод ба Театри давлатии лӯхтаки «Лухтак»-и шаҳри Душанбе хабар медиҳад.
Акс: аз манбаъҳои кушода
