«Юнистрим» интиқол ба Тоҷикистон ва аз ҷумҳурӣ бо доллару евроро қатъ мекунад ва танҳо бо рубл кор хоҳад кард, маблағҳои талабнашуда бо асъори хориҷӣ бояд аз ҷониби муштариён то 30 сентябр ситонида шаванд. Дар ин бора дар хадамоти матбуоти низоми интиқоли пул хабар доданд.
«Юнистрим муомилот ва фиристодани евро ва доллари амрикоиро ба Тоҷикистон ва аз Тоҷикистон қатъ мекунад. Агар шумо қаблан интиқоле, ки бо ягон сабаб бо асъори евро ё доллар аз Тоҷикистон ё ба Тоҷикистон гирифта нашудааст, фиристода бошед, то 30 сентябри соли 2023 барои баргардонидани маблағи интиқол ба бонке, ки ин интиқолро фиристодааст, муроҷиат намоед», — омадааст дар паём. гурӯҳи расмии «Юнистрим» дар ВКонтакте.
Дар паём гуфта мешавад, ки пас аз 30 сентябр баргардонидани интиқолҳои бо доллар ва евро фиристодашуда имконнопазир хоҳад буд.
Рӯзи 20 июл мақомоти ИМА алайҳи панҷ ташкилоти қарзии Русия, аз ҷумла системаи Юнистрим, таҳримот ҷорӣ карданд. Дар охири моҳи июл Бонки миллии Тоҷикистон хабар дода буд, ки интиқол тавассути ин система акнун танҳо бо рубл имконпазир аст.
ТАСС хабар медихад.
Акс: аз манбаъҳои кушода
