Кормандони Консулгарии генералии Русия ва Барномаи Рушди Созмони Милали Муттаҳид (БРСММ) дар вилояти Суғд дар шаҳри Хуҷанд платформаи интернетии бо дастгирии Федератсияи Русия барои омодасозии касбии сокинони Тоҷикистон сохташударо муаррифӣ карданд. Дар ин бора дафтари матбуоти консулгарии генералӣ хабар додааст.
«Кормандони Консулгарии генералии Русия дар Хуҷанд якҷо бо намояндагони Барномаи рушди СММ дар вилояти Суғд дар семинаре бахшида ба муаррифии платформаи интернетии kasb.tj, ки имкон медиҳад, курсҳои омӯзиши касбии сокинони Тоҷикистонро фароҳам меорад, иштирок намуданд», — гуфта мешавад дар хабар.
Консулгарии генералӣ қайд кард, ки чорабинӣ дар доираи лоиҳаи БРСММ «Тавшансозии барқарорсозии иқтисодӣ аз оқибатҳои COVID-19 тавассути баланд бардоштани сатҳи некӯаҳволӣ, имкониятҳои шуғл ва мусоидат ба ҳамкориҳои минтақавӣ дар водии Фарғона», ки аз ҷониби ҳукумати Русия маблағгузорӣ мешавад, баргузор шудааст. Портал ба сокинони ҷумҳурӣ имкон медиҳад, ки касберо, ки ба он омода шудан мехоҳанд, интихоб кунанд, барои маркази таълимӣ алоқа пайдо кунанд, инчунин бо шароит ва ҳуҷҷатҳои зарурӣ шинос шаванд.
ТАСС хабар медихад.
Акс: аз манбаъҳои кушода
