Теъдоди қурбониёни бар асари боришоти шадид дар Тоҷикистон ба 17 нафар расид, наҷотдиҳандагон чаҳор ҷасади дигарро пайдо карданд.
«Наҷотдиҳандагони кумита ҷасади чаҳор шаҳрванд, се зан ва як мардро пайдо кардаанд. Ҷасадҳо барои муайян кардани шахсият ба мақомоти дахлдор супурда шуданд», — дар шуъба хабар доданд.
КҲФ мушаххас кард, ки ҷасадҳо дар шаҳри Ваҳдат пайдо шудаанд. Ҳамчунин, дар ҷараёни амалиёти наҷот дар вилояти Хатлон муъайян шудааст, ки бар асари сел 100 сар чорво ҳалок шудааст. Ба иттилои ин ниҳод, дар тамоми манотиқи аз офати табиӣ осебдидаи ҷумҳурӣ корҳо барои рафъи паёмадҳо идома доранд.
Рӯзи якшанбе дар Тоҷикистон боришоти шадид ба амал омад, ки боиси обхезӣ, сел ва рехтани санг гардид. Нахуст 13 қурбонии офати табиӣ маълум буд, бештари мардум дар шаҳри Ваҳдат ҷони худро аз даст додаанд. КҲФ хабар дод, ки дар чанд навоҳии ҷумҳурӣ роҳҳо баста шуда, хонаҳо ва биноҳо зери об монда, даҳҳо мошин бар асари сел осеб дидаанд.
Дар ин бора ТАСС бо такя ба Кумитаи ҳолатҳои изтирории назди ҳукумати Тоҷикистон хабар медиҳад.
Акс: аз манбаъҳои кушода
