Тибқи иттилои шабакаи телевизионии Habertürk дар шабакаи иҷтимоии X (собиқ Твиттер) Раҷаб Тайиб Эрдуғон, раиси ҷумҳури Туркия рӯзи 4 сентябр барои мулоқот бо президенти Русия Владимир Путин вориди Сочӣ мешавад. Bloomberg қаблан таърихи сафари Эрдуғон ба Русияро дигар – 8 сентябр эълон кард.
Ба гузориши Hürriyet , бо истинод ба манобеъ, онҳо метавонанд формулаи нави муомилоти ғалларо баррасӣ кунанд, ки Анкара онро таҳия карданӣ аст.
Вазири корҳои хориҷии Туркия Ҳокон Фидан рӯзи 25 август вориди Киев шуд, то бо президенти Украина Владимир Зеленский, раиси дастгоҳи президент Андрей Ермак, нахуствазир Денис Шмигал ва вазири корҳои хориҷӣ Дмитрий Кулеба мулоқот кунад. Рӯзнома менависад, ки Фидан он вақт ба мавқеъи Киев гӯш дод ва ҳоло ният дорад, ки ба Маскав «ҳамин усулро татбиқ кунад», яъне ба мақомоти Русия гӯш диҳад ва сипас бо намояндагони СММ сӯҳбат кунад.
Акс: аз манбаъҳои кушода
