Ин мамнӯъиятро рӯзи 27 август вазири маориф Габриэл Аттал дар мусоҳиба бо TF1 эълон кард. Ӯ қайд кард, ки дар синфхона бо нигоҳи онҳо дину мазҳаби хонандагонро муайян кардан мумкин нест. Вазир гуфт, ки вай дар ин ҳафта бо мудирони мактабҳо барои кӯмак ба иҷрои ин мамнӯъ гуфтугӯҳо оғоз хоҳад кард.
Сухангӯи ҳукумат Оливье Веран ба BFMTV гуфт, ки «мактаб дунявӣ аст» ва ҷое барои пӯшидани либоси мазҳабӣ вуҷуд надорад. Вай ҳамчунин бар ин назар аст, ки мардум ба мактаб барои донишомӯзӣ меоянд, на барои «ба таблиғоти мазҳабӣ».
Аммо Шӯрои мусулмонони Фаронса (CFCM) бар ин назар аст, ки абая либоси динии мусалмонон нест, балки як «шакли муд» аст, гуфт раҳбари созмон Абдуллоҳ Зекрӣ. Вай қайд кард, ки вазир пеш аз қабули тасмим дар бораи мамнӯъият бояд андешаи раҳбарони динро бигирад.
Акс: аз манбаъҳои кушода
