24 август дар Минск ҷаласаи гурӯҳи коршиносон оид ба лоиҳаҳои Шартнома дар бораи таъсиси Созмони байналмилалии забони русӣ ва Оинномаи он баргузор гардид.
Дар чорабинӣ намояндагони Арманистон, Беларус, Қазоқистон, Русия, Тоҷикистон, Узбакистон ва Кумитаи иҷроияи ИДМ ширкат доштанд.
Коршиносон пешниҳодҳоро оид ба ҳуҷҷатҳои аз давлатҳо расида баррасӣ карданд. Баъди мухокима умуман лоихаи Шартнома дар бораи таъсиси ташкилоти байналхалкии забони русй маъкул дониста шуд. Ҳамзамон, дар ҷаласа тасмим гирифта шуд, ки масъалаҳои боқимонда дар ҷаласаи иловагии гурӯҳи коршиносон, ки 5 сентябри соли 2023 баргузор мешавад, мувофиқа карда мешаванд, хабар медиҳад дафтари матбуоти Кумитаи иҷроияи ИДМ.
Дар ҷаласа намояндаи котиботи Шӯрои Ассамблеяи байнипарлумонии ИДМ дар Кумитаи иҷроияи ИДМ Игор Боровко ширкат дошт.
Пешниҳоди таъсиси сохтори байналмилалӣ дар кишварҳои Иттиҳод оид ба дастгирӣ ва тарғиби забони русӣ аз ҷониби президенти Ҷумҳурии Қазоқистон Қосим-Ҷомарт Тоқаев моҳи декабри соли 2021 дар мулоқот бо президенти Федератсияи Русия Владимир Путин садо дода буд.
