Музокироти махфии дипломатии моҳҳо боиси сабук шудани таҳримҳои Амрико алайҳи нафти Эрон шуд, ки аз ҷониби маъмурияти президенти пешини ИМА Доналд Трамп ҷорӣ шуда буд.
Аз моҳи ноябри соли 2018 Иёлоти Муттаҳида воридоти нафти Эронро ба кишварҳои дигар мамнӯъ карда, таҳдиди таҳримҳои дуввумро эълон кард. Аммо хозир, чунон ки журналистон маълум карданд, хукуматдорони Америка фишорро ба Техрон паст кардаанд. Ин маълумотро чанд мақоми амрикоӣ ба шарти ифшо нашудани ном тасдиқ карданд.
Вошингтон то ҳол ба интиқоли нафти Эрон ба Кореяи Ҷанубӣ, Ҷопон ва Иттиҳодияи Аврупо розӣ нест, аммо ба афзоиши тиҷорати Теҳрон бо Пекин иҷоза медиҳад. Таҳлилгарон мегӯянд, ки ин дилсӯзӣ бештар ба хоҳиши Кохи Сафед барои зери назорат гирифтани нархи нафти ҷаҳонӣ аст – бинобар содироти Эрон, таъминоти ашёи хом дар бозори ҷаҳонӣ афзоиш меёбад ва ба ҳамин далел арзиши он поин меравад.
Оҷонси Байналмилалии Энержӣ гуфтааст, ки дар пасманзари сабук кардани махфии таҳримҳои Амрико, Эрон истихроҷи нафтро то 3 миллион бушка дар як рӯз афзоиш додааст, ки баландтарин дар панҷ соли ахир аст. Дар робита ба ин, ба гуфтаи таҳлилгарони Kpler, содироти нафти Эрон ба Чин дар моҳи август то 1,5 миллион бушка дар як рӯз афзоиш хоҳад ёфт. Тибқи маълумоти TankerTrackers, ин рақам аллакай аз 2 миллион баррел дар як рӯз мегузарад. Дар ҳамин ҳол, Эрон то ҳол ба миқдори 80 миллион захира дорад, ки дар замин ва дар киштиҳои танкӣ нигоҳ дошта мешавад.
Дар ин бора «Рамблер»хабар медихад.
Акс: аз манбаъҳои кушода
