Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯзҳои 25-26 август дар Қазоқистон як сафари корӣ анҷом медиҳанд. Дар ин бора дафтари матбуоти раҳбари Қазоқистон Қосим-Ҷомарт Тоқаев хабар дод.
«Бо даъвати сарвари давлат Қосим-Ҷомарт Тоқаев рӯзҳои 25-26 августи соли 2023 Президенти Ҷумҳурии Тоҷикистон Эмомалӣ Раҳмон ба Остона сафари корӣ анҷом медиҳад. Дар ҷараёни сафар музокироти сатҳи олӣ сурат гирифта, дар ҷараёни он масъалаҳои ҳамкориҳои тиҷоратӣ-иқтисодӣ, нақлиётию логистикӣ ва сармоягузорӣ баррасӣ мешаванд», — гуфта мешавад дар хабар.
Сарони ду кишвар ҳамчунин дар маросими ифтитоҳи Рӯзҳои фарҳангии Тоҷикистон дар Қазоқистон ширкат карда, аз намоишгоҳи маҳсулоти кишоварзии Тоҷикистон дидан хоҳанд кард.
ТАСС хабар медихад.
Акс: аз манбаъҳои кушода
