Сафорати ҷумҳурӣ дар Русия гуфт, дар як садама дар ноҳияи Мичурински вилояти Тамбов ду шаҳрванди Тоҷикистон кушта ва се нафари дигар захмӣ шудаанд.
«Сафорати Тоҷикистон дар Русия аз ҳалокати ду шаҳрванди Тоҷикистон дар садамаи нақлиётии рӯзи 22 августи соли 2023 дар ноҳияи Мичурински вилояти Тамбови Федератсияи Русия огоҳ аст. Ҳамчунин дар пайи ин ҳодиса боз се зодаи Тоҷикистон захмӣ шуда ва дар бемористон бистарӣ шудаанд», — гуфта мешавад дар хабар.
Сафорат қайд кард, ки кормандони он ба оилаҳои фавтидагон ва осебдидагон кумак мерасонанд.
Қаблан дафтари матбуоти раёсати пулиси роҳи вилояти Тамбов хабар дода буд, ки рӯзи 22 август дар шоҳроҳи Р-22 «Каспий» ду мошини «Лада Гранта» ва «Лада Калина» ба ҳам бархӯрд рух додааст. Дар маҷмӯъ дар ин садама чаҳор нафар ба ҳалокат расида, панҷ нафар ҷароҳат бардоштаанд.
ТАСС хабар медихад.
Акс: аз манбаъҳои кушода
