Рустами Эмомалӣ, раиси палатаи болоии порлумони Тоҷикистон ва Чжао Леҷӣ, раиси Кумитаи доимии Маҷлиси намояндагони мардумии Чин созишномаи ҳамкорӣ миёни ниҳодҳои қонунгузори ду кишварро имзо карданд. Дар ин бора дафтари матбуоти порлумони Тоҷикистон хабар додааст.
«Пас аз анҷоми музокироти ҳайатҳои палатаи болоии порлумони Тоҷикистон ва Кумитаи доимии Маҷлиси намояндагони халқи Чин созишномаи ҳамкорӣ ба имзо расид», — гуфта мешавад дар хабар. Ҷонибҳо изҳори итминон карданд, ки санад ба таҳкими муносибатҳои наздик ва эътимодбахши байнидавлатӣ, фароҳам овардани шароити зарурии ҳуқуқӣ барои рушди робитаҳои тиҷоратию иқтисодӣ ва дигар самтҳои ҳамкорӣ мусоидат хоҳад кард.
Мусоҳибон ҳамкориҳоро дар чаҳорчӯби СММ, Созмони ҳамкориҳои Шанхай, Машварати ҳамкорӣ ва тадбирҳои боварӣ дар Осиё, инчунин дар доираи дигар созмонҳои минтақавию байналмилалӣ мавриди баррасӣ қарор дода, ба мубориза бо терроризм, ҷиноятҳои муташаккили фаромиллӣ, киберҷинояткорӣ ва ҷанбаҳои дигар таваҷҷӯҳ зоҳир намуданд. Эмомалӣ Раҳмон Чжао Леҷиро ба Тоҷикистон даъват кард, даъват пазируфта шуд.
Акс: АМИТ «Ховар»
