Марям Абдураҳимова, хонандаи синфи 9-уми муассисаи таҳсилоти умумии рақами 21-и ноҳияи Шоҳмансури шаҳри Душанбе дар мусобиқаи қаҳрамонии ҷаҳон оид ба таэквондо ИТФ, ки дар шаҳри Остона (Қазоқистон) идома дорад, медали тилло ба даст овард.
Дар ин мусобиқаҳо 900 варзишгар аз 45 кишвари ҷаҳон ширкат доранд. Ҷумҳурии Тоҷикистонро 24 варзишгар намояндагӣ мекунанд.
Марям Абдураҳимова дар рӯзҳои аввали мусобиқот бар ҳамаи рақибонаш пирӯз шуда, медали тилло гирифт.
Ёдовар мешавем, ки мусобиқа 19 август оғоз шуда, то 27 август идома хоҳад кард.
Дар ин бора АМИТ «Ховар» бо истинод ба сардори шуъбаи муассисаҳои томактабӣ ва миёнаи Сарраёсати маорифи шаҳри Душанбе Асомиддин Бобозода хабар дод.
Акс: аз манбаъҳои кушода
