Вай тавзеҳ дод, ки Нерӯҳои ҳавоии Ҳолланд дар тавозуни худ ҳамагӣ 42 адад чунин ҳавопаймо доранд ва аз гуфтани чанд адад Гаага қасд дорад Киевро таъмин кунад. Вақт аз он вобаста аст, ки экипажҳо ва инфрасохтори украинӣ ба ҳавопаймоҳои пуриқтидори истеҳсоли Амрико то чӣ андоза омода мешаванд, гуфт Рутте ба Зеленский ҳангоми боздид аз пойгоҳи ҳавоии Ҳолланд.
Ба иттилои Reuters, дар ҳоли ҳозир Ҳолланд 24 ҷангандаи F-16 дорад, ки то нимаи соли 2024 ба истеъфо хоҳанд рафт. 18 ҳавопаймои дигар ба фурӯш гузошта шудааст. Рӯзи ҷумъа Ҳолланд ва Дания гуфтанд, ки Иёлоти Муттаҳида ба онҳо иҷоза додааст, то ба Украина ҳавопаймоҳои F-16-и сохти Амрикоро таъмин кунанд. Ҳукуматҳои Ҳолланд ва Дания низ бахше аз эътилоф ҳастанд, ки барои омӯзиши халабонҳои украинӣ барои парвози ҳавопаймоҳои ҷангии муосир талош мекунанд. Зеленский ба далели нигарониҳои амниятӣ аз гуфтани чанд халабони украинӣ дар Дания ва баъдан дар Руминия худдорӣ кард. Аммо рӯзи ҷумъа Дания гуфт, ки омӯзиш дар ин моҳ оғоз мешавад. Вазорати хориҷаи Дания таъйид кард, ки интиқоли F-16 ба Украина дар сурати иҷрои шартҳое сурат хоҳад гирифт, ки интихоб, озмоиш ва омӯзиши муваффақи кадрҳои украиниро дар бар мегирад.
Хабар медихад «Рамблер».
Акс: аз манбаъҳои кушода
