Туркия бандари Ҳумси Либияро барои 99 сол ба иҷора гирифта, дар он ҷо пойгоҳи низомии худро ҷойгир карданист. Дар ин бора рӯзи 16 август шабакаи телевизионии TRT Haber хабар дод.
«Дар пайи сиёсати фаъол дар баҳри Миёназамин, Туркия бандари Ҳумс дар Либияро ба муддати 99 сол ба иҷора гирифт», — телевизион пахш мекунад.
Зимнан зикр мегардад, ки дар пойгоҳи низомии, ки дар минтақа бунёд мешавад, истиқрори системаҳои миллии бесарнишини ҳавоии Туркия ва системаҳои дифои зиддиҳавоӣ (ҳавоӣ) дар назар аст.
Тибқи иттилои шабакаи телевизионӣ, Маркази Туркия оид ба стратегияҳои баҳрӣ ва глобалӣ қайд кардааст, ки таъсиси пойгоҳи низомӣ дар бандари иҷора «ҳифзи пешгирикунандаи минтақаҳои тобеияти баҳрии Туркия ва инчунин амнияти киштиҳои тиҷоратиро таъмин хоҳад кард.»
Дар матлаб ҳамчунин гуфта мешавад, ки дар чаҳорчӯби «ҳамкориҳои низомии Туркия ва Либия ба сатҳи нав интиқоли пойгоҳи низомии Ватие ба истифода аз Туркия низ дар назар аст.»
Акс: аз манбаъҳои кушода
