Мақомоти Тоҷикистон барои тафтиши вазъи зиндагии муҳоҷирони корӣ ба панҷ шаҳри бузурги Русия – Маскав, Санкт-Петербург, Екатеринбург, Новосибирск ва Уфа гурӯҳҳои корӣ фиристодаанд. Дар ин бора аз Вазорати меҳнат, муҳоҷират ва шуғли аҳолии ҷумҳурӣ хабар доданд.
«Аз номи ҳукумати Тоҷикистон барои ошноӣ бо шароити зиндагии муҳоҷирони корӣ дар Русия ва роҳандозии корҳои фаҳмондадиҳӣ байни онҳо гурӯҳҳои корӣ ташкил карда шуданд. Панч гурух ташкил карда шуда, ба Москва, Санкт-Петербург, Екатеринбург, Уфа ва Новосибирск фиристода шуданд», — гуфта мешавад дар хабар.
Ба гуруххо намояндагони вазоратхо дохиланд. Раванди муҳоҷирати меҳнатӣ таҳти назорати вижаи раисиҷумҳури Тоҷикистон Эмомалӣ Раҳмон қарор дошта, «барои танзими он, ҳамчунин ҳифзи ҳуқуқу манфиатҳои шаҳрвандони Ҷумҳурии Тоҷикистон дар Федератсияи Русия тадбирҳои амалӣ андешида мешаванд», вазорат гуфт.
Ҳафтаи равон вазири меҳнати Тоҷикистон Гулнора Кенҷа Ҳасанзода ба Русия сафар кард. Вай бо муовини сардори Вазорати меҳнат Елена Мухтиярова мулоқоти корӣ доир намуда, масъалаҳои ҷалби муташаккили шаҳрвандони ҷумҳурӣ барои кор дар Федератсияи Русия ва дурнамои ифтитоҳи намояндагии Хадамоти шиноснома ва раводид дар Душанберо баррасӣ намуд. Дар ин шаҳр намояндагии маркази бисёрфунксияи муҳоҷирати Маскав вуҷуд дорад, ки дар он ба хоҳишмандони барои кор ба Маскав рафтан хидмат мерасонанд.
ТАСС хабар медихад.
Акс: аз манбаъҳои кушода
