Сардори хадамоти хориҷии Иттиҳодияи Аврупо Ҷозеп Боррел талаб кард, ки Муҳаммад Базум, раисиҷумҳури Нигер бидуни шартҳои иловагӣ озод карда шавад. Паёми дахлдор дар саҳифаи ӯ дар шабакаи иҷтимоии X (собиқ Twitter) дода шудааст.
Дипломат навиштааст, ки Иттиҳодияи Аврупо аз бад шудани вазъи Базум ва хонаводаи ӯ, ки бино ба маълумоти охирин, тайи чанд рӯз аз ғизо, нерӯи барқ ва хадамоти маишӣ маҳруманд, сахт нигарон аст.
Рӯзи 26 июл раисиҷумҳури Ниҷер Муҳаммад Базум ва ҳамсарашро посбонони худ боздошт карданд. Шаби 26 ба 27 июл Нерӯҳои мусаллаҳи кишвар кори тамоми ниҳодҳои давлатии кишварро мутаваққиф карда, соати комендантӣ ҷорӣ ва марзҳоро бастаанд. Дар баробари ин исьёнгарон дар Нигер тамомияти чисмонии хукумати оворашударо кафолат доданд.
Рӯзи 27 июл дабири кулли СММ Антониу Гутерриш хостори қатъи шӯриш ва раҳоии президент Базум шуд. Ин шӯриш дар Иёлоти Муттаҳида ва Иттиҳодияи Аврупо низ маҳкум карда шуд. Русия ҷонибҳои даргирро ба муколама даъват кардааст.
Акс: аз манбаъҳои кушода
