Дар Душанбе аз 9 то 10 август машваратҳои вазоратҳои корҳои хориҷии кишварҳои Осиёи Марказӣ оид ба масъалаи омодагӣ ба Ҷаласаи панҷуми машваратии сарони кишварҳои Осиёи Марказӣ баргузор шуданд.
Зимни машваратҳо лоиҳаи рӯзномаи рӯзнома, Изҳороти муштарак ва дигар ҳуҷҷатҳое, ки дар паи нишасти дарпешистодаи Душанбе қабул карда мешаванд, муфассал баррасӣ шуданд.
Ҷонибҳо ҳамчунин масъалаҳои омодагиро ба 12 чорабинии паҳлӯӣ, ки аз ҷониби Ҷумҳурии Тоҷикистон дар доираи Ҷаласаи машваратии дарпешистода баргузор мегарданд, баррасӣ намуданд.
Ёдовар мешавем, ки ҷаласаи панҷуми машваратии сарони кишварҳои Осиёи Марказӣ ва ҷаласаи навбатии Шӯрои сарони кишварҳои муассиси Хазинаи байналмилалии наҷоти Арал рӯзҳои 14-15 сентябри соли 2023 дар шаҳри Душанбе баргузор мешавад.
Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар додааст.
АКС: Вазорати корҳои хориҷии точикистон
