Бо вуҷуди афзоиши гардиши сайёҳон, ба роҳандозии хатсайрҳои чартерӣ миёни Русия ва Тоҷикистон лозим нест. Дар ин бора раиси Кумитаи рушди сайёҳии назди ҳукумати ҷумҳурӣ Камолиддин Мӯъминзода изҳор дошт.
«Имрӯз агар иштибоҳ накунам, ҳар ҳафта ҳудуди 200 парвоз аз Федератсияи Русия ба Ҷумҳурии Тоҷикистон дар чаҳор фурудгоҳи байналмилалӣ ворид мешавад. Ман фикр мекунам, ки парвозҳои чартериро, ки лозим аст, ба осонӣ ташкил кардан мумкин аст, аммо, ба назари ман, ин зарур нест», — гуфт у.
Раиси кумита зикр кард, ки дар нимсолаи аввали соли 2023 аз Русия 64,3 ҳазор сайёҳон аз Тоҷикистон дидан кардаанд. «Ин нисбат ба ҳамин давраи соли гузашта 11,2% зиёдтар аст. Ва мо саъй дорем, ки ҷараёни сайёҳон аз Федератсияи Русия зиёд шавад, ин вазифаҳо дар протоколҳои комиссияи байниҳукуматии Русия ва Тоҷикистон зикр шудаанд», — гуфт Мӯъминзода.
Қаблан байни Тоҷикистону Русия парвозҳои чартерӣ сурат мегирифт, масалан, соли 2021 чунин парвозҳоро ширкатҳои ҳавопаймоии S7 ва Nordwind анҷом медоданд. Дар ҳамин ҳол, иҷрои чунин парвозҳо бо қарори Ожонси авиатсияи граждании Тоҷикистон ба далели он ки ин ниҳод қимати ҳамлу нақлро хеле гарон арзёбӣ кардааст – қимати чиптаҳо ба 1,6 ҳазор доллар расидааст, мутаваққиф шуд.
ТАСС хабар медихад.
Акс: аз манбаъҳои кушода
