Туркманистон ба Узбакистону Тоҷикистон шарикии стратегӣ дар бахши газро пешниҳод кардааст. Дар ин бора муовини раиси Девони вазирон, вазири корҳои хориҷии Туркманистон Рашид Мередов дар як изҳороти матбуотӣ дар пайи нишасти сарони ин кишварҳо хабар дод.
«Туркманистон захирахои бузурги гази табий дорад. Диверсификатсияи интиқоли гази содиротӣ ва ҳамзамон нигоҳ доштани мувозинати манфиатҳои истеҳсолкунанда, кишвари транзитӣ ва истеъмолкунандаи энергия барои мо дар татбиқи лоиҳаҳои байналмилалии энергетикӣ принсипҳои асосӣ мебошанд. Дар ин замина имрӯз ҷониби Туркманистон пешниҳод кард, ки дурнамои шарикии стратегӣ дар соҳаи газ миёни Туркманистон, Узбакистон ва Тоҷикистон баррасӣ шавад», — гуфт у.
Мередов ҳамчунин ёдовар шуд, ки ҳамкориҳои муваффақ дар соҳаи энержӣ миёни кишвараш Тоҷикистон ва Узбакистон аллакай ба роҳ монда шудааст. «Имрӯз барои мо барои шарикии мутақобилан судманд дар ин бахши муҳим имкониятҳои нав кушода мешавад ва мо ба ҳамкорӣ дар бахши газ низ аҳамияти хоса медиҳем», — гуфт ӯ.
ТАСС хабар медихад.
Акс: аз манбаъҳои кушода
