Шоҳзода Гарри ва ҳамсараш Меган ба Кохи Букингем барои чорабиниҳо бахшида ба солгарди марги малика Елизавета II-и Бритониё даъватнома нагирифтаанд. Дар ин бора рӯзномаи The Sun рӯзи 3 август бо такя ба манобеъ хабар додааст.
«Хонаводаи шоҳона дар солгарди марги Малика Гарри ва Меганро рад мекунанд», — гуфта мешавад дар нашрия.
Ба гуфтаи рӯзноманигорон, ҳамсарон даъват нашудаанд, гарчанде ки герцоги ва герцогинияи Сусекс, ки доимӣ дар Иёлоти Муттаҳидаи Амрико зиндагӣ мекунанд, ният доранд, ки дар авоили моҳи сентябр ба Олмон омада, дар «Бозиҳои мағлубнашаванда» ширкат кунанд. Ин чорабинии варзишӣ бо иштироки низомиёни собиқ ва феълӣ, ки маъюб шудаанд, баргузор мешавад.
Ба навиштаи The Sun, шоҳ Карл III ҳамроҳ бо ҳамсараш Камилла рӯзи 8 сентябр дар иҳотаи хонавода дар қалъаи Балморали Шотландия, ки малика соли 2022 дар он ҷо даргузашт, солгарди марги Элизаветаи II-ро ҷашн мегиранд.
Акс: аз манбаъҳои кушода
