Матеуш Моравецкий, нахуствазири Полша, бо тасмими тамдиди мамнӯъияти содироти маҳсулоти кишоварзӣ ба раисиҷумҳури Украина Владимир Зеленский «шапалак» зад. Тахмин меравад, ки онҳо бо ҳамин тариқ ба занги сафири Лаҳистон дар Киев посух додаанд, менависад версияи аврупоии Politico.
«Моҳҳои ахир равобит бо Киев ба далели тасмими Варшава дар бораи тамдиди мамнӯъияти содироти бархе аз маҳсулоти кишоварзии Украина, ки ҳукумати Лаҳистон онро таҳдид ба манофеъи кишоварзони ватанӣ медонад, осеб дидааст», — гуфта мешавад дар нашрия.
Нашрия ҳамчунин зикр мекунад, ки дар аввал баҳси байни Варшававу Киев марбут ба ғалла буд, вале ҳоло он ба самти буттамева ва меваҷот мегузарад. Дар баробари ин дехконони поляк аз он ба хашм омадаанд, ки воридоти арзони Украина арзиши аслии махсулотро паст мекунад.
Вазъият ба далели даъвати сафири Полша Бартош Чичокӣ ба вазорати хориҷаи Украина пас аз изҳороти вазири дафтари раисиҷумҳури Полша Марчин Пшидач дар бораи он, ки Украина барои кумаке, ки аз Варшава гирифтааст, бояд бештар сипосгузор бошад, шиддат гирифт. Ин нахуствазири Полша Матеуш Моравецкиро водор кард, ки ҷониби Украинаро «тарсакӣ занад» – аз ҷумла, сафири Украина Василий Зварич ба Вазорати корҳои хориҷии Полша даъват карда шуд.
Акс: аз манбаъҳои кушода
