Вазири корҳои хориҷии Ҷумҳурии Тоҷикистон Сироҷиддин Муҳриддин 3 август муовини парлумонии вазири корҳои хориҷии Ҷопон Ёшикава Юмиро ба ҳузур пазируфт.
Зимни мулоқот сатҳи кунунӣ ва дурнамои таҳкими ҳамкориҳои дуҷониба дар соҳаҳои сиёсӣ, тиҷоратию иқтисодӣ, илмию таълимӣ, фарҳангӣ, гуманитарӣ ва дигар соҳаҳои мавриди таваҷҷӯҳи тарафайн, инчунин ҳамкориҳои муштарак дар доираи созмонҳои минтақавӣ ва байналмилалӣ мавриди баррасӣ қарор гирифт.
Пас аз вохӯрӣ маросими имзои Созишнома миёни Ҳукумати Ҷумҳурии Тоҷикистон ва Ҳукумати Ҷопон дар бораи «Лоиҳаи пешниҳоди стипендия барои рушди захираҳои инсонӣ (JDS)» баргузор гардид.
Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Акс: аз манбаъҳои кушода
