Раисиҷумҳури Чехия Петр Павел ба 14 шаҳрванди ин кишвар иҷозаи пайвастан ба Қувваҳои Мусаллаҳи Украинаро дод, ҳашт дархости дигар рад карда шуд. Дар ин бора рӯзи 2 август портали iROZHLAS бо такя ба котиби матбуотии президент Маркета Ржехакова хабар дод.
«То 29 июли соли 2023 Президенти ҷумҳурӣ Петр Павел дар маҷмӯъ 14 қарори мусбатро имзо кард, ки вуруди шаҳрвандони Чехия ба Қувваҳои Мусаллаҳи Украинаро тасдиқ мекунанд», — нашри суханони Ржехаковаро мисол меорад.
Дар ҳамин ҳол, дархости ҳашт шаҳрванди Чехия барои пайвастан ба артиши Украина рад шуд, сабабҳои ин гуфта нашудааст.
Бар асоси қонунҳои Чехия, хидмат дар нерӯҳои мусаллаҳи кишварҳои дигар барои шаҳрвандони ин кишварро танҳо раиси ҷумҳури ин кишвар иҷоза медиҳад. Дар акси ҳол, онҳоро ҷазои ҷиноӣ интизор аст.
Акс: аз манбаъҳои кушода
