Бар асари суқути крани сохтмонӣ дар иёлати Маҳараштраи Ҳинд дасти кам 16 нафар кушта ва се нафари дигар маҷрӯҳ шуданд. Дар ин бора рӯзи сешанбеи 1 август шабакаи NDTV бо такя ба мақомоти ҳифзи ҳуқуқ хабар медиҳад.
Ҳодиса дар шоҳроҳи сохтмонӣ рух додааст. Крани сайёри типи пулӣ ба болои як гурӯҳ коргарон афтод, ки аксари онҳо то омадани табибон ҷон бохтанд. Се ҷабрдида ба наздиктарин бемористон интиқол ёфтанд.
Гуфта мешавад, ки панҷ нафари дигар метавонанд зери харобаҳо бошанд. Дар ҷои ҳодиса полис, оташнишонҳо ва дигар хадамоти изтирорӣ қарор доранд.
Дар навбати худ Нарендра Модӣ-нахуствазири Ҳиндустон ба наздикони қурбониён изҳори ҳамдардӣ карда, ба онҳо дар ҳаҷми 200 ҳазор рупия (ҳудуди 2400 доллар) ҷубронпулӣ таъин кардааст. Ба ҳар як захмӣ 50 000 рупий (607 доллар) пардохт хоҳад шуд.
Фото: NDTV
