Дар Душанбе нахустин мусобиқаи тимҳои миллии футзал таҳти сарпарастии Ассотсиатсияи футболи Осиёи Марказӣ ба анҷом расид. Тими миллии Эрон барандаи Ҷоми футзали CAFA-2023 гардид.
Дастаи мунтахаби Тоҷикистон дар муборизаи баробар дар даври ниҳоӣ аз тими Эрон бо ҳисоби 0:1 шикаст хӯрд.
Ҳамин тариқ, тими Эрон барандаи мусобиқаи CAFA Futsal Cup-2023 гардид, ки дар панҷ бозии баргузоршуда 12 имтиёз ба даст овардааст. Медалҳои нуқра насиби мунтахаби Афғонистон (10 имтиёз) гардид. Се зинаи аввалро мунтахаби Узбакистон (9 имтиёз) бастааст.
Дастаи мунтахаби Тоҷикистон бо ҳафт имтиёз дар зинаи чаҳорум қарор гирифт.
Дар натиҷаи ин мусобиқа ҷоизаи «Fair Play» насиби тими миллии Тоҷикистон гардид. Беҳтарин нишонзани мусобиқот бозигари тими миллии Узбакистон Хусниддин Нишонов шуд, ки панҷ гол зад. Дарвозабони эронӣ Маҳдӣ Ростамӣ беҳтарин дарвозабони ин мусобиқа дониста шуд. Ва арзишмандтарин бозигари мусобиқаи «CAFA Futsal Cup-2023» бозигари тими миллии Эрон Алӣ Акрамӣ эътироф шуд.
Дар ин бора ба АМИТ «Ховар» бо истинод ба Федератсияи футболи Точикистон хабар медидад.
АКС: Федератсияи футболи Тоҷикистон
