Дэвид Граш, корманди собиқи хадамоти иктишофӣ рӯзи 26 июл дар конгресс гуфт, Иёлоти Муттаҳида як барномаи махфии чандсолаи омӯзиши объектҳои парвозкунандаи номаълумро (ОПН) иҷро кард. Вай изҳор дошт, ки боқимондаҳои “ғайриинсонӣ” ва технологияҳо дар ҷойҳое пайдо шудаанд, ки ҳодисаҳои дахлдор доранд, менависад The Guardian.
Граш, ки дар оҷонсии Пентагон то соли 2023 ба таҳлили падидаҳои номаълуми аномалӣ роҳбарӣ мекард, ба Кумитаи назорати Маҷлиси Намояндагон дар бораи кашфи мавҷудоти «ғайриинсонӣ» гуфт. Ва ин муҳокимаро иддаои Граш дар моҳи июн дар бораи он, ки ҳукумати ИМА киштиҳои кайҳонии бегонаро дар паноҳгоҳ нигоҳ доштааст, ба вуҷуд овард.
Граш дар соли 2022 изҳор дошт, ки дар доираи кори ҳукуматаш ба ӯ супориш дода шуд, ки он чизеро, ки шӯъбаҳои низомӣ, дифоъ ва дигар шӯъбаҳо дар бораи ғарибон ва киштиҳои бегона медонанд, тафтиш кунад, аммо иддао кард, ки ба ӯ иҷозати дастрасӣ ба барномаҳои махфии ОПН-и давлатӣ дода нашудааст.
Рӯзи чоршанбе суханронӣ карда, Граш гуфт, ки вай ба интиқомҳои «хеле бераҳмона» барои иддаои худ дар бораи бегонагон дучор шудааст. Вай ҳамчунин гузоришҳои «шахсоне, ки осеб дидаанд» дар ҷараёни талошҳои ҳукумат барои пӯшонидани маълумот дар бораи ОПН-ро тасдиқ кард. Граш итминон медиҳад, ки кӯшишҳои ӯ ба як ҳадаф бахшида шудаанд – шаффоф ва дастрас кардани маълумот дар бораи ОПН.
Акс: аз манбаъҳои кушода
