Дар шаҳри Душанбе вохӯрии раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо намояндагони соҳаи варзиш ва иштирокчиёни Бозиҳои Ҷомеаи Иттиҳоди Давлатҳои Мустақил баргузор гардид.
Раиси Кумита қайд намуд, ки соҳаи тарбияи ҷисмонӣ ва варзиш таҳти таваҷҷуҳ ва дастгирии доимии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад ва дар баробари дигар сохахои мухим инкишоф меёбад. «Мо масъулони соҳа ва варзишгарони кишварро зарур аст, ки дар посух ба ин ғамхорӣ ва суханони падаронаи Пешвои миллат дар мусобиқаҳои байналмилалӣ иштирок намуда, парчами Тоҷикистони соҳибистиқлолро баланд бардорем», — дар мулокот таъкид карда шуд.
Ёдовар мешавем, ки аз 4-ум то 14-уми августи соли ҷорӣ дар шаҳри Мински Беларус Бозиҳои дувуми Иттиҳоди Давлатҳои Мустақил аз рӯи 20 намуди варзиш баргузор мешавад. Дар онхо 132 нафар спортсменхои Точикистон аз руи 13 намуди спорт иштирок карда, шарафи спортии республикаро пешкаш мекунанд.
Дар ин бора АМИТ «Ховар» бо истинод ба Кумита хабар дод.
Акс: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
