Геологхои точику рус бо максади мубодилаи тачриба ва озмудани усулхои нави тадкикот дар республика оид ба омухтани обхои зеризаминй кори якчоя мегузаронанд. Дар ин бора ба хабарнигорон Илҳомҷон Оймуҳаммадзода, сардори Сарраёсати геологияи назди ҳукумати Тоҷикистон хабар дод.
«Мо барномаи корӣ (бо Русия) имзо кардем, ки ҳадафи он таъсис ва нигоҳ доштани усулҳои муосири кор бо обҳои зеризаминӣ мебошад. Мо мунтазири имзои нақшаи корӣ аз ҷониби Русия ҳастем ва пас аз он интизори омадани мутахассисони рус ҳастем», — гуфт у.
Сардори идора зикр кард, ки дар ин кор табодули таҷриба миёни геологҳои тоҷику рус пешбинӣ шуда, усулҳои санҷидашуда минбаъд на танҳо дар Тоҷикистон, балки дар Русия низ татбиқ хоҳанд шуд. Оймӯҳҳомадзода ҳамчунин тавзеҳ дод, ки аллакай ҷой барои кори муштарак муайян шудааст.
Моҳи ноябри соли 2022 Агентии федеролии истифодаи сарватҳои зеризаминии Русия (Роснедра) хабар дод, ки Евгений Петров раиси ин оҷонсӣ аз Душанбе дидан кардааст. Дар ҷараёни сафар онҳо барномаи дуҷонибаи ҳамкорӣ дар бахши иктишофи геологии сарватҳои зеризаминиро барои се соли оянда имзо карданд.
ТАСС хабар медихад.
Акс: аз манбаъҳои кушода
