Имрӯз дар нишасти хабарии Вазорати фарҳанги Тоҷикистон дар бораи баргузории як қатор чорабиниҳои муҳими фарҳангии байналмилалӣ эълон шуд, ки дар нимаи дуюми соли 2023 дар назар аст.
«Аз ҷумла, дар моҳи август Рӯзҳои фарҳангии Тоҷикистон дар Қазоқистон баргузор мешавад. Казокистониён бо анъана, маданият ва таърихи халки точик бештар шинос мешаванд. Баъдан баргузории Рӯзҳои фарҳангии Беларус дар Тоҷикистон дар назар аст. Ин чорабинӣ ба наздикшавии фарҳангии давлатҳо ва халқҳо нигаронида шудааст. Илова бар ин, дар моҳи сентябр дар чаҳорчӯби нишасти сарони кишварҳои Осиёи Марказӣ дар «Кохи Борбад» бо ширкати устодони санъат барномаи фарҳангӣ баргузор мешавад», – гуфтанд дар вазорат.
Аз рӯйдодҳои муҳими фарҳангӣ Ҷашнвораи байналмилалии теотри лӯхтаки «Чодари хаёл» аст, ки моҳи октябр баргузор мешавад. Дар он чун қоида, дастаҳои эҷодии театрҳои лухтаки кишварҳои узви Иттиҳоди Давлатҳои Мустақил иштирок мекунанд. Ин ҷашнвора ба рушди ҳамкориҳои дастаҳои лӯхтакҳои театрӣ нигаронида шудааст.
Тибқи иттилои Вазорати фарҳанг, дар нимсолаи аввали соли ҷорӣ беш аз 100 чорабинии сатҳҳои гуногун баргузор гардид.
Дар ин бора ба АМИТ «Ховар» бо истинод ба вазорат хабар медиҳад.
Акс: АМИТ «Ховар»
