Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев суҳбати телефонӣ анҷом доданд.
Президенти Тоҷикистон Эмомалӣ Раҳмон Президенти Ҷумҳурии Ӯзбекистонро ба муносибати зодрӯзаш самимона табрик гуфта, ба муҳтарам Шавкат Мирзиёев саломатӣ, хушбахтӣ, шукуфоӣ ва дар татбиқи нақшаҳои давлатӣ ба нафъи халқи бародари Ӯзбекистон комёбиҳои нави калон орзу намуд.
Пешвои миллат саҳми бузурги Шавкат Мирзиёевро дар рушди бемайлони иқтисодиву иҷтимоии кишвари ҳамсоя ва таҳкими мавқеи он дар арсаи байналмилалӣ таъкид намуда, ба Узбакистони дӯст пешрафту шукуфоӣ таманно намуд.
Дар идомаи сӯҳбат президентҳо ҷанбаҳои алоҳидаи шарикии стратегӣ ва ҳамкории мутақобилаи Тоҷикистону Ӯзбекистонро баррасӣ карданд. Дар ин замина омодагии қавии ҷонибҳо барои таҳкими муколамаи байнидавлатӣ бар асоси эътимод ва рушди минбаъдаи самарабахши дӯстӣ ва муносибатҳои неки ҳамсоягӣ мутобиқи манфиатҳои куллии халқҳои ду кишвар таъкид шуд.
Сарони Тоҷикистону Узбакистон ҳамчунин ба масъалаҳои мубрами рӯзномаи байнулмилалӣ ва минтақавӣ тамаркуз карданд.
Дар ин бора ба АМИТ «Ховар» хабар медидад.
АКС: АМИТ «Ховар»
