Наҷотдиҳандагони Кумитаи ҳолатҳои изтирорӣ ва мудофиаи граждании (КҲФ) назди ҳукумати Тоҷикистон кӯҳнаварди белорус Дмитрий Граковичро, ки бар асари афтодан дар минтақаи кӯҳистонии Лахш маҷрӯҳ шуда буд, эвакуатсия карданд. Ба иттилои ТАСС, раиси маркази матбуоти КҲФ Умеда Юсуфӣ, ба ҷони ӯ ҳеҷ хатаре вуҷуд надорад.
«Ба чархбол савор карданд, ҳоло ба Душанбе парвоз мекунад, зинда аст. Бо фармони раиси КҲФ Рустам Урманович Назарзода мошини ёрии таъҷилӣ ҷудо карда шуд, ки ӯро барои муоина ва табобати минбаъда ба беморхонаи «Истиқлол» бурданд», — гуфт у.
Қаблан маркази матбуоти КҲФ ба ТАСС гуфта буд, ки рӯзи чаҳоршанбе дар бораи ҳодиса бо кӯҳнаварди белорусӣ маълумот дастрас шудааст. Наҷотдиҳандагон зуд ин мардро пайдо карда, ёрии аввалия расониданд, вале ба зудӣ берун овардани ӯ аз домани кӯҳ имкон надошт.
Акс: аз манбаъҳои кушода
