Рӯзи 20-уми июл дар ноҳияи Кӯшониёни вилояти Хатлон барои пурра намудани қисмҳои ҳарбӣ, ҷузъу томҳои Қувваҳои Мусаллаҳ бо ҷалби беш аз 6320 нафар шаҳрвандони дар захираи ноҳия қарордошта ва воситаҳои нақлиёти гуногун омодагии қувваҳо ва воситаҳои воҳиди мудофиаи ҳудудӣ ва захираи сафарбарӣ гузаронида шуд.
Мақсад аз баргузории ин чорабинии муҳим таълим додани шаҳрвандон ба мудофиаи минтақа буд.
Гуфта мешавад, ки таъмини волоияти қонун, риояи ҳатмии он, интизоми хубу намунавии шаҳрвандон дар эҳтиёҷ бори дигар собит мекунад, ки шаҳрвандони ноҳияи Кӯшониён барои ҳифзи босамари истиқлолият, суботи сулҳу ваҳдати миллӣ, арзишҳои муқаддаси миллӣ, марзу буми кишвар, вафодорӣ ба савганди ҳарбӣ ҳамеша омодаанд.
Дар ин бора АМИТ «Ховар» бо истинод ба дафтари матбуоти раиси ноҳияи Кӯшониён хабар медиҳад.
Акс: хадамоти матбуоти раиси нохияи Кушониён
