Дар соли 2022 бархе аз аслиҳаҳое, ки кишварҳои ғарбӣ ба Қувваҳои Мусаллаҳи Украина дода буданд, аз ҷониби тоҷирони аслиҳа дуздида шуданд.
Дар ин бора шабакаи телевизионии CNN бо такя ба гузориши нозири генералии Пентагон хабар медиҳад.
Тибқи ин санад, аз моҳи феврал то сентябри соли 2022 ҷинояткорон ва тоҷирони аслиҳа миқдори муайяни аслиҳаи ғарбиро дуздидаанд, вале баъдан «баргардонида шудааст».
Дар ин гузориш, аз ҷумла гуфта мешавад, ки гурӯҳе аз ҳамлагарон худро кормандони кумакҳои башардӯстона муаррифӣ карда, пас аз он зиреҳи баданро ба маблағи 17 ҳазор доллар дуздидаанд.
Қаблан хабарнигори нашрияи чинии South China Morning Post, Мариам Шоҳ гуфта буд, ки силоҳҳои ғарбӣ аз Украина ба бозорҳои сиёҳ интиқол дода мешаванд ва аз он ҷо онҳо дар саросари ҷаҳон паҳн мешаванд ва боиси барангехтани мусобиқаи силоҳ мешавад.
Акс: аз манбаъҳои кушода
