Тоҷикистон ба сармоягузории кишварҳои арабии Халиҷи Форс дар соҳаи гидроэнергетикии ҷумҳурӣ барои рушди энергетикаи сабз таваҷҷӯҳ дорад. Дар ин бора Эмомалӣ Раҳмон, раисиҷумҳури Тоҷикистон, дар нахустин нишасти сарони кишварҳои арабӣ ва кишварҳои Осиёи Марказӣ, ки дар Арабистони Саудӣ ҷараён дорад, изҳор дошт.
«Энергетика, саноат, аз ҷумла саноати сабук ва хӯрокворӣ, инчунин, кишоварзӣ, бонкдорӣ, сайёҳӣ, иқтисодиёти рақамӣ, иттилооту коммуникатсия ва транзитиву нақлиётӣ самтҳои афзалиятноки татбиқи лоиҳаҳои сармоягузорӣ номида шуданд. Дар ин замина, бо назардошти зарфиятҳои гидроэнергетикии Тоҷикистон, таваҷҷӯҳи хоси ҷониби Тоҷикистон ба ҷалби сармояи кишварҳои арабии Халиҷи Форс барои рушди энержии сабз таъкид шуд», — дар ин бора дафтари матбуоти раҳбари Тоҷикистон хабар дод.
Зимни суханронӣ ӯ ҳамчунин бар аҳамияти истифода аз зарфиятҳои ниҳодҳои молӣ ва сандуқи тавсеъаи кишварҳои Халиҷи Форс ва Гурӯҳи Бонки Исломии Рушд (БИР) дар иҷрои тарҳҳои мушаххас таъкид кард.
ТАСС хабар медихад.
Акс: аз манбаъҳои кушода
