Сандуқи рушди Арабистони Саудӣ ва Бонки Исломии Рушд (БИР) барои иҷрои тарҳҳои сармоягузорӣ дар Тоҷикистон ҳудуди як миллиард доллар сармоягузорӣ кардаанд. Дар гузориши Маркази тадқиқоти стратегии назди президенти Тоҷикистон, ҷумҳурӣ ба ҳамкорӣ бо Арабистони Саудӣ дар соҳаи сайёҳӣ манфиатдор аст.
«Аз соли 2002 дар Тоҷикистон Сандуқи рушди Арабистони Саудӣ фаъолият мекунад, ки бо ҳукумати Тоҷикистон ба маблағи 84 миллион доллар созишномаҳои қарзӣ ба имзо расонидааст.Бонки Исломии Рушд дар Тоҷикистон 92 лоиҳаи хурду бузургро ба маблағи 620 миллион доллар дар соҳаҳои маориф, тандурустӣ, энергетика, нақлиёт ва обёрӣ амалӣ кардааст», — гуфта мешавад дар маъруза.
Дар он ҳамчунин таъкид шудааст, ки Бонки Осиёии Рушд «дар соли ҷорӣ барои иҷрои чаҳор тарҳи сармоягузорӣ дар Тоҷикистон 250 миллион доллар тахсис додааст». Ҳамин тариқ, ҳаҷми умумии сармоягузорӣ 954 миллион долларро ташкил дод.
ТАСС хабар медихад.
Акс: аз манбаъҳои кушода
