Мақомоти Тоҷикистон ҷонибдори ҳалли мусолиматомези авзоъ дар Афғонистон ва таъсиси ҳукумати фарогир дар ин давлат ҳастанд, ки аз манофеи гурӯҳҳои мухталифи мардум ҳимоят кунад. Дар ин бора Эмомалӣ Раҳмон, раисиҷумҳури Тоҷикистон, дар нахустин нишасти сарони кишварҳои арабӣ ва кишварҳои Осиёи Марказӣ, ки дар Арабистони Саудӣ ҷараён дорад, изҳор дошт.
«Тоҷикистон ҳамеша ҷонибдори ҳалли мусолиматомез дар Афғонистон буд ва мо аз таъсиси ҳукумати фарогире ҳастем, ки намояндагӣ аз тамоми гурӯҳҳои этникӣ, сиёсӣ ва иҷтимоӣ барои таъмини ҳуқуқу озодиҳои аҳолӣ, бахусус занон, намояндагӣ кунад. Ин барои ҷаҳон заминаи мустаҳкам фароҳам меорад», — гуфт у дар мачлиси машваратй ба сухан баромада.
Вай афзуд, Тоҷикистон аз тамоми талошҳои дипломатӣ барои ҳалли вазъ ва расонидани кумакҳои башардӯстона ба ниёзмандон дар Афғонистон пуштибонӣ мекунад. Вай ҳамчунин аз раҳбарони кишварҳои арабӣ ва кишварҳои Осиёи Марказӣ даъват кардааст, ки дар мубориза бо ҷиноятҳои фаромиллӣ ва қочоқи маводи мухаддир ҳамкорӣ кунанд.
Акс: аз манбаъҳои кушода
