Аз ҳисоби маблағҳои Вазорати нақлиёти Ҷумҳурии Тоҷикистон дар ноҳияи Ҷалолиддини Балхӣ дар давоми 6 моҳи соли ҷорӣ ба маблағи 134020 сомонӣ корҳои таъмири роҳҳо анҷом дода шуданд.
Аз ҷумла, хароҷоти таъмири купруку қубурҳо 56283 сомониро ташкил дода, бо ҳамин маблағ 3 хатти обгузар таъмир карда шуд. Арзиши таъмири ҷории роҳҳо 29747 сомониро ташкил дода, 700 метри мураббаъ аломати роҳ гузошта, 31 адад аломати роҳ гузошта шудааст.
Ба гуфтаи раиси Муассисаи давлатии нигоҳдории роҳҳои мошингарди вилоят Маҳмадшариф Салимзода, дар вилоят 38,5 километр роҳ таъмиру тармим шудааст.
Аз ҷониби соҳибкорон ва аҳолӣ корҳои таъмиру таҷдиди роҳу купрукҳо ба маблағи умумии 914,04 ҳазор сомонӣ анҷом дода, 0,6 километр роҳ асфальтпуш карда шуда, 4 пул таъмиру азнавсозӣ карда шуд.
Қобили зикр аст, ки иншооти роҳи давлатии ноҳияи Ҷалолиддини Балхӣ 250,7 километр роҳҳои истифодаи умум буда, аз он 34 километри байналмилалӣ, 42,3 километри ҷумҳуриявӣ ва 174,4 километри маҳаллӣ мебошанд.
Дар ин бора АМИТ «Ховар» бо истинод ба мақомоти иҷроияи ҳокимияти давлатии ноҳия хабар дод.
АКС: АМИТ «Ховар»
