Мақомоти Амрико қасд доранд то 24 июл дар бораи эъмоли таҳримот алайҳи Қирғизистон ба далели интиқоли таҷҳизот ва таҷҳизоти низомӣ ба Русия хабар диҳанд. Дар ин бора рӯзномаи Washington Post бо такя ба мақомоти маъмурияти президенти ИМА менависад.
Ба навиштаи ин рӯзнома, пас аз оғози амалиёти вижа дар Украина ва эъмоли таҳримҳои зидди Русия аз сӯи Ғарб дар Қирғизистон ширкатҳои зиёде боз шудаанд, ки ба Русия колоҳои таҳримшуда ворид мекунанд. Аз ҷумла, онҳо гӯё дронҳо, қисмҳои эҳтиётии ҳавопаймоҳо ва тирҳои снайперро таъмин мекунанд.
Ҳамчунин иддао мешавад, ки дипломатҳои амрикоӣ тӯли чанд моҳ аз Бишкек дидан карда, талош карданд ҳукумати Қирғизистонро барои қатъи тиҷорат бо Русия мутақоид созанд, аммо ин сафарҳо бенатиҷа буданд.
Дар натиҷа, ба навиштаи рӯзнома, ҳукумати Амрико тасмим гирифтааст, алайҳи Қирғизистон таҳримот ҷорӣ кунад, аммо мушаххас нест, ки кадоме аз онҳо таҳримҳо ҷорӣ кунанд.
Акс: аз манбаъҳои кушода
