Бонки миллии Тоҷикистон ба маълумоти шаҳрвандони ҷумҳурӣ мерасонад, ки дар асоси Фармони Президенти Ҷумҳурии Тоҷикистон «Дар бораи чораҳои густариши пардохтҳои ғайринақдӣ», ки 22 июни соли ҷорӣ аз 1 августи соли 2023 ба имзо расидааст барои хамаи хизматхои пулакии маишй ба таври гайринакдй ба амал бароварда мешавад.
Шахсони ҳуқуқӣ, соҳибкорони инфиродӣ ва хоҷагиҳои деҳқонӣ барои анҷом додани пардохтҳои ғайринақдии хизматрасонии давлатӣ бояд аз суратҳисоби бонкӣ истифода баранд. Дар сурати надоштани суратҳисоби бонкӣ онҳо метавонанд ба ҳар муассисаи молиявӣ муроҷиат намуда, суратҳисоби бонкӣ боз кунанд.
Шахсони воқеӣ (аҳолӣ) метавонанд барои пардохти ҳаққи хидматрасонии давлатӣ аз кортҳои пардохтии бонкӣ, ҳамёнҳои электронӣ, замимаҳои мобилӣ ва интернет-банкинг, POS-терминалҳо ва QR-кодҳо истифода баранд.
Ба гурӯҳи хизматрасониҳои пулакии давлатӣ пардохти андозҳо, боҷи давлатӣ барои додани иҷозатнома ва иҷозатномаҳо, дигар пардохтҳои ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасонии тиббӣ, коммуналӣ ва дигар намудҳои хизматрасониҳои давлатӣ дохил мешаванд.
Акс: аз манбаъҳои кушода
