14 июли соли 2023 сокини 12-солаи шаҳри Ҳисор ҳангоми оббозӣ дар канали бузурги Ҳисор, ки аз ҳудуди шаҳр мегузарад, ғарқ шуд. Дафтари матбуоти раёсат хабар медиҳад, ки аз лаҳзаи рух додани ҳодиса наҷотдиҳандагони КҲФ барои корҳои ҷустуҷӯию наҷот сафарбар карда шуданд.
16-уми июли соли 2023 пас аз ҷустуҷӯҳои комплексӣ, тахминан соати 10:00 ҷасади писарбачаро наҷотдиҳандагон пайдо карда, ба мақомоти ҳифзи ҳуқуқ супурданд.
Дар робита ба ин, КҲФ ба хешовандон ва наздикон изҳори ҳамдардии самимӣ намуда, хоҳиш мекунад, ки кӯдаконро беназорат нагузоранд, бо онҳо дар бораи оқибатҳои риоя накардани қоидаҳои бехатарӣ дар обанбор ва шиноварӣ дар ҷойҳои мамнӯъ мунтазам сӯҳбат кунанд.
Акс: аз манбаъҳои кушода
