Вазорати маориф ва илми Ҷумҳурии Тоҷикистон ва Донишгоҳи давлатии Санкт-Петербург ҳамкориҳоро идома медиҳанд.
Рӯзи 11 июл муовини аввали вазири маориф ва илми Ҷумҳурии Тоҷикистон Ҷамшед Ҷӯразода ва ректори Донишгоҳи давлатии Санкт-Петербург Николай Кропачев созишнома оид ба ҳамкорӣ дар шакли онлайн ба имзо расониданд.
Мавзӯъҳои аслии баҳс масоили ҳамкориҳо барои омода кардани кадрҳои баландихтисос дар донишгоҳи Русия ба нафъи низоми маориф, тандурустӣ ва дигар бахшҳои иҷтимоӣ ва бахшҳои иқтисоди Тоҷикистон буд.
Зимнан зикр гардид, ки ҷавонони тоҷик ба гирифтани маълумоти олӣ дар донишгоҳҳои пешрафтаи Русия, аз ҷумла дар Донишгоҳи давлатии Санкт-Петербург таваҷҷуҳи зиёд доранд.
АМИТ «Ховар» истинод ба маркази матбуотии вазорат хабар медиҳад.
Акс: аз манбаъҳои кушода
