Бар асари боришоти шадид дар шимоли Ҳинд чаҳор рӯз пай дар пай идома дорад, дасти кам 41 нафар бар асари обхезӣ ҷон бохтанд. Дар ин бора рӯзномаи The Times of India рӯзи сешанбеи 11 июл хабар дод.
Борони шадид дар пойтахти миллии Деҳлӣ, иёлатҳои Ҳимачал-Прадеш, Уттаракханд, Панҷоб, Ҳаряна, Раҷастан, қаламрави иттиҳодияи Ҷамму ва Кашмир осеб расонд.
Вазъияти душвортарин дар доманакуххои Химолой ба амал омад, ки дар натичаи боришхои пай дар пай ярчхои бисьёре ба амал омад, дарьёхои махаллй аз сохилхояшон баромада, бисьёр пунктхои ахолинишинро зери об монд.
Дар манотиқи кӯҳистонии аёлатҳои шимолӣ, бар асари эрозия ва обхезии роҳҳо ҳаракати нақлиёт қатъ шудааст, ки дар натиҷа садҳо сайёҳон дар кӯҳҳо банд шудаанд.
Қаблан, рӯзи 9 июл дар Деҳлӣ бар асари боришоти шадид як нафар ба ҳалокат расида буд. Пас аз боришоти шадиди рӯзи шанбе дар шаҳр 15 хона фурӯ рехт, ки аз зери харобаҳои онҳо ҷасад ёфт шуд.
Акс: аз манбаъҳои кушода
